Nyheiter

26. september 2019: Nyutgjeving – Soger av Per Sivle

I haust gjev me ut alle sogene til Per Sivle med etterord av Olav H. Hauge. I sogene har me framfor oss stor litteratur, truleg i verdsklasse. Dei gripande forteljingane når fram til hjarta hjå både born og vaksne med Berre ein hund som den mest kjende forteljinga. «Den gjer så stort inntrykk at når ein har lese ho, så gløymer ein den aldri heile livet» (Johannes Gjerdåker).

«Hunden sat og stirte så augo i han glima som berre glør (…). Eg for meg kan seia at eg var så på livet at eg knapt torde anda». (Berre ein hund).

Sivle skriv på kjenslevart vis om venskap og svik, forelsking og kjærleik, tru og freisting i den blenkjande treskillingen, hjelpeløyse og inderleg medkjensle med både dyr og menneske i Hjelpelaus. Anger og soning i den gripande historia om venen Fante Nils.

«Noko av det mest verdfulle er forteljingane og sogone(…) Det er ikkje stemningar som sermerkjer forteljingane, men kjensle, naki nerve, serleg medkjensle med dei som lid urett». Olav H. hauge

Boklanseringa vert i Voss kulturhus kl 19 med song og musikk av gruppa Fantefolk og programmet Lurleik. 

3. juni – bokslepp av «Bruddstykker» i Bergen!

Fullt hus under bokslepp i Bergen! Fantastisk kveld der «Bruddstykker» og den nye Bergensforfattaren Jan Erik Kolaas vart tatt godt imot!

Les strålande anmeldelse av boka! «Dette er rett og slett en vakker, liten bok om elementene i tilværelsen som bringer et menneske frem til voksenlivet».

 

1. juni 2019 Boklansering «Bruddstykker» i Dale forsamlingshus

Strålande oppmøte då Jan Erik Kolaas debuterte med romanen «Bruddstykker» under Daledagane!

Avisa Vaksdalposten om boklanseringa:

1. Juni 2019

Laurdag 1. juni vert det boklansering under Daledagane: Me presenterer boka «Bruddstykker» av Jan Erik Kolaas. Det vert opplesing, musikk av gruppa Smooth Operators som spelar musikk av Beatles og Dylan – dette gjenspeglar  nokre av tekstane.

Lanseringskake og kaffi, boksignering. Dale Forsamlingshus kl. 11 – Velkomen!

22. februar 2019

Sivle-boka fekk strålande omtale i Dag og Tid:

Boklansering i Voss kulturhus, diktskattar av Per Sivle!

November 2016

Biblioteket og kulturskulen i Vaksdal kommune har i 10 år samarbeidd om skrivekurs i biblioteket på Dale. Les omtale av jubileumsboka som inneheld dikt og prosa frå både etablerte forfattarar som Åse Lilleskare Faugstad og nye røyster: Boka har både vakre naturdikt, eksperimenterande dikt og ulike prosasykker. Finslipte tekstar frå ti røyster.

Klikk to gonger for større bilete og skrift

9. juni 2016

Vellukka lansering av William Shakespeare. Det beste av dramatikken under Daledagane 3. juni i Dale Forsamlingshus.  Bestilling her eller i bokhandelen. Terningkast seks i Stavanger Aftenblad.

Sjå omtale i VaksdalPosten:

Hausten 2016 arrangerte me Shakespeare-kveld på Litteraturhuset i Bergen i samarbeid med Vestmannalaget.  Sjå bilete frå kvelden på vår Facebook-side.

Shakespeare-kveld ved Litteraturhuset i Bergen okt. 2016

27. september 2015

Morfar og den ville grasklipparen! og elleve andre sprøe historier. Bok for barn og barnlege vaksne. Lanserast 25. oktober. Sjå utgjevingar.

11. februar 2015

I dag har me fått strålande nyheiter om at Norsk kulturråd kjøper inn Browning-boka til landets bibliotek.
Bestill boka her.

19. september 2014

Browning-boka fekk strålande omtale i Dag og Tid i dag:

«Browning er poesiens crème de la crème… det er på tide me får Browning på norsk.»

«Per Olav Kaldestad har lukkast med å overføra dei psykologiske djupnadene i monologane… Omsetjingane hans glir naturleg.»

«… bukett er er sanneleg rette ordet for diktsamlinga – i høve til både forma og innhaldet. Villanden forlag overlét ingenting til tilfella. Bokproduktet er gjennomarbeidd med vakre fontar og sensuelle illustrasjonar…»

«Blir du lei av litterær industriføde – gå til Villanden; dei tilbyd økologiske bokprodukt.»

Bestill boka her.

(Klikk to gonger på bilete for å kunne lesa.)

5. juni 2014

… og her er omtale frå boklanseringa.


3. juni 2014

Her er nokre fine augneblink frå boklanseringa. Per Olav Kaldestad las livfulle dikt av Robert Browning for eit fornøgd publikum i Dale Forsamlingshus. Ein strålande kveld!

Juni 2014

Tysdag 3. juni lanserer me vår nye bok av viktoriatidas store diktar Robert Browning. Kom og høyr uforgløymelege dikt om kunsten og kjærleiken, lesne av gjendiktar Per Olav Kaldestad. Dale Forsamlingshus, 3. juni kl. 1800.

Januar 2013

Saman med Vaksdal Folkebibliotek lanserer me nyvinninga Månadens Nynorskforfattar 2013. Les vårprogrammet som vitnar om ein fabelaktig nynorskvår på Dale!

19. oktober 2012

Me har hatt ei strålande lansering av Dei løynde kjeldene. Dikt til ny livskraft. Fullt hus i biblioteket på Dale, vakre dikt og spesiell stemning med eit nærverande publikum. Bestill boka her. Følg oss gjerne på Facebook også.


Oktober 2012

Det nærmar seg lansering av vår nye bok Dei løynde kjeldene. Dikt til ny livskraft. Meir om boka her. Velkomen til lanseringskveld i Dale bibliotek 18. oktober! Sjå invitasjon.

August 2011

Villon-boka vår fekk god omtale i siste utgåve av avisa Dag og Tid. Gullichsen sitt arbeid vert kalla «briljant nynorsk gjendikting».

22. februar 2011

Gledeleg brev frå Kulturrådet i dag: Dei kjøper inn vår siste bok, Testamentet og Spreidde balladar av Francois Villon!